03/01/2010

播放本新聞相關短片

政情:老公入院民主阿婆難攪局

民主阿婆陳方安生近排行蹤杳然,據聞同佢老公陳棣榮早前因十二指腸潰瘍入院有關,因為陳生日前舊病復發要再次入院,雖然冇上次咁嚴重要入深切治療部,但民主阿婆為咗陪佢,估計亦要再度失蹤一排,令佢力撐嘅五區請辭大計又一次遭受挫折。

陳太喺九月初同壹傳媒集團主席淫賤黎等「搞事四人幫」搞完個「密室飯局」後冇耐,陳生就因為十二指腸穿窿需要緊急入院做手術,住咗超過兩個月先康復出院,令民主阿婆暫時無法分身再喺香港政壇搞搞震,連原定喺九月中至十月尾進行嘅美、加、英三國唱衰香港之旅,亦被迫暫時取消。

民主阿婆到十一月初重新復出,繼續向泛民主派施壓強推五區請辭,但最後都發揮唔到影響力,畀民主黨請佢食咗個大檸檬。不過事後佢仍拒絕認衰,話一定會瞓身協助堅持辭職嘅公文袋同社民連,喺嚟緊嘅五區補選中站台拉票,又預告會喺復活節假再去過外國攪局。依家有關計劃可能又會泡湯喇!