鳳姐大開中門做生意，恩客五顏六色三尖八角，難道開工以前還要詳細檢查身份證？莫非一見對方未成年馬上耍手擰頭，老細，唔好玩啦，三年後見？

受害人反被視作加害者，不能不說荒誕。難怪行家姊妹得悉此事，紛紛黯然嘆曰：搵食艱難。鳳姐也好，金雞也罷，最能反映香港道地小市民的生活狀態。嚴格而言，不是生活狀態，只是生存狀態。

生活，是你對生命有要求；生存，是生命對你有要求。生命會嘮嘮叨叨不斷跟掙扎求存的你說，老細，唔好玩啦，米缸冇米喇；老細，起身開工啦，又要交租喇；老細，唔好揀客啦，理得佢歪嘴歪鼻定係甩皮甩骨。

對於草根階層而言，從來不曾有過真正生活。住在板間房算得上生活嗎？睡在天橋底稱之為生活嗎？七老八十手騰腳震打劫便利店，惟盼溫飽博坐監，算是哪碼子生活？

特區高官經常放在嘴邊的是，香港有足夠安全網，沒有人會餓得死，所以窮人不算多。如此取態，難怪香港貧富懸殊世界第一，因為在官僚眼裏，能夠生存已是萬幸，奢求生活實在過分。

生存容易生活難，少年嫖客不要欺負搵食艱難的鳳姐了，下次叫雞記住畀錢。