城市大學犯罪學課程主任黃成榮博士表示，此類犯案人士對社會有很大仇恨，「佢哋覺得社會對佢好差，又認為你對我唔好時，我都要對你唔好，為咗發洩就將屋企物件掟落街。」

黃成榮續稱，部分為引人注意，便會投擲殺傷力大的物件，「初時可能掟玻璃樽，之後可能會係木櫈，跟住係雪櫃。」他稱，若個案導致有人受傷，或引起公眾議論，犯案人士便會感到興奮，繼續高空擲物。