行快速公路「咁就死梗」

黃大仙環鳳街一帶有多個車房，昨晨，車房對出的街道排滿的士等候維修，元朗一帶的車房亦有同樣現象，司機及車房職員均異口同聲表示：「死火咯！」銀鳳街一間車房的修車師傅更指着其中一輛車頭損毀的的士，表示「架車就係因為突然死火撞咗」！

的士司機張先生稱，他所駕的士在麗港城中石化加氣站入氣，前日已有問題，昨日取車再開工時又出事。他怒斥：「一個鐘死四、五次火，總之慢車唔踩就死火，一入N波（空波）即死。」

另一名陳姓司機勞氣地指出：「行行吓死火，開緊工好危險㗎嘛，依家簡直就係的士得咗心臟病！」若在屯門公路等快速公路行駛，前面後面都有貨櫃車，突然間死火，「咁就死梗！」

昨晨到麗港城中石化加氣站入氣的陳姓的士司機，駛出氣站後即死火，嘆謂：「頭先都要撻幾次先撻得着！」