29/12/2009

播放本新聞相關短片

政情:江素惠紅旗袍明艷照人

平時喺啲公開活動見到知名政治評論家、香港台灣工商協會會長Susie江素惠,佢必定令人眼前一亮,唔係着旗袍就係着鮮紅色嘅衫,而早前喺個酒會度見到佢,佢索性着咗件鮮紅色嘅旗袍,一次過集齊晒佢嘅最愛。Susie承認佢好鍾意鮮紅色,因為可以令人明亮啲、開心啲,最緊要係令到佢顯得明艷照人!

講起着旗袍,佢話都係喺官場學番嚟嘅,國民黨仲未喺二○○○年失去政權之前,啲官夫人個個都係咁着,佢嗰陣時係台灣駐港機構光華新聞文化中心主任,經常要出席正式場合,所以佢固定幫襯台灣知名設計師蔡孟夏,經常一返去台北就訂做幾套,每套要港幣八、九千蚊㗎!