五區請辭嘅議題炒作不停，各黨各派各有條件，政制及內地事務局局長林瑞麟尋日撰文大講政治，話政治係「可能的藝術」，講到近期諮詢有唔少政制改革嘅要價時，佢暗譏有人喺「烏托邦內搞政治」，仲話「縱使我們有很多理想，但環境永遠充斥着不同的限制，我們不能以為只有硬闖才是真英雄」。
林公公喺個電台節目中寫咗篇二千幾字嘅信，當中不乏發揮人肉錄音機功能嘅照本宣科，同時又暗寸泛民人士要有妥協藝術，仲話「我們不是在烏托邦內搞政治，現實是有一定限制的」。林公公呢番話香港好多人都耳熟能詳，佢口中「硬闖」嘅係乜嘢人，市民都好容易估到，講白啲，即係叫啲人唔好淨係識發白日夢或霸王硬上弓。