聖誕佳節好多派對聚會，立法會議員霍震霆二公子霍啟山平安夜當晚喺尖沙咀圓方W Hotel舉行私人聖誕派對，好多城中富豪二代出席，好似楊海成愛女楊嘉明、鄧永鏘一對寶貝仔女鄧愛嘉同細佬鄧裕鏗、趙世曾囝囝趙式浩、香港青聯主席陳仲尼同太太區海倫，仲有莊士集團太子女莊家蕙等。
莊家蕙可謂形象百變，早前參加菁英會喺深灣遊艇會舉行嘅聖誕聯歡晚會暨慶功宴時，以一襲Miu Miu間條裙同外套嘅端莊打扮出席；平安夜晚，佢就身穿一件頭香檳金露斜膊緊身裙，玲瓏浮凸嘅身材表露無遺，據聞條裙係喺美國買。
當晚家蕙乘坐趙式浩架房車到場，但兩人落車後行到離行離列。問到趙式浩係咪同家蕙拍拖，他好大反應咁話：「梗係唔係啦！」跟住就急腳步進會場。