霍家第三代長孫霍啟剛喺政圈同體育界愈嚟愈高調，同女友跳水王后郭晶晶嘅戀聞更成為城中熱話，啟剛自知受注目，所以連一個交友網站嘅Account都冇。佢話自己唔鍾意公開私人相，又冇交友網站嘅戶口，唔擔心畀人做佢世界。
不過，啟剛嘅細佬啟人就畀雜誌登咗佢同女友Rebecca去韓國同慶祝拍拖五周年嘅sweet sweet相，睇怕呢件事會令啟剛更加小心翼翼。
富豪二代、三代喺本港政界愈嚟愈高調，啟剛更已成為幾個青年組織嘅核心人物，知名度亦較高。不過，啟剛話雖然自己個名有人識，但距離從政路仲有好長距離，依家淨係想學多啲嘢。