產生成功感快感

城市大學犯罪學課程主任黃成榮表示，旺角、深水埗和銅鑼灣先後發生擲鏹事件，觀其犯案手法，銅鑼灣案很大機會與旺角屬同一人。他解釋，旺角和銅鑼灣是傳統的旅遊購物區，兇徒用膠樽盛載鏹水，揀在周末晚上犯案。但深水埗是日間犯案，而且鏹水用玻璃樽盛載，可能是另一人有樣學樣。他說：「鏹水用膠樽裝，擲落地嘅飛濺力，比玻璃樽大，引起嘅輿論震撼力亦大得多。」

黃成榮指出，兇徒在工作及社交各方面都是失敗者，首次犯案的心態出於發洩，「想多啲人陪佢」，但隨着事件成為社會焦點，令他產生成功感和快感，故犯案旨在和警方鬥智鬥力。黃肯定鏹魔一定會再次犯案。

案件至今雖膠着，但黃成榮認為警方始終可以破案：「警方今次發現兇徒留低一樽未擲嘅鏹水，明顯兇徒對銅鑼灣唔及旺角咁熟悉，而且有啲驚！」