陳佐洱原本係一個平凡教師，就喺文革後嘅一個教師大會上，佢嘅一個學生演繹咗佢一篇獻辭，感動晒全場嘅人，因而引起省領導層對陳佐洱嘅注意，最後佢仲轉行投身新聞界。八七年九月，台灣《自立晚報》嘅編輯同記者到訪大陸，陳佐洱負責接待，安排得非常得體，贏得各界嘅欣賞，從此棄筆從政，加入港澳辦，喺關鍵時刻，見證咗香港同澳門回歸。

陳佐洱尋日好開心咁話，雖然佢只係教咗十年書，但一直好鍾意學校嘅氣氛，仲話自己熱愛做教師，係因為有多啲機會同年輕人相處，近得佢哋多都冇咁易out喎。