政圈熱話指建仔對總辭補選好亢奮，仲視之為培養第二梯隊上位嘅好時機，三個區已有初步安排，如港島以張國鈞較睇好，新東想出劉江華愛將葛珮帆，新西又想出新人陳恆鑌。不過，新東新西都有建制派舊人，如田北辰同龐愛蘭，龐上年憑一人之力攞兩萬票，應該有人喺背後力撐，而田二少又唔願讓，所以呢次布局唔係建仔想點就點。

富貴黨主席劉健儀尋日話，補唔補選由田二少決定，仲話田二少落邊區都有機；港島方面，匯賢智庫嘅葉劉淑儀就透露史泰祖無意選港島；工聯會黃國健亦話陳婉嫻傾向唔出戰。睇嚟，建制派嘅協調消息仲有排傳。