聖誕就快來臨，好多人都諗定節目，恒生一姐梁高美懿（Margaret）就會喺平安夜當日放假到下年一月三號同老公去旅行。佢身為銀行界高層，會唔會放假都心掛掛呢？佢就笑笑口話唔使咁誇張。
Margaret早兩日去馬場睇國泰航空香港國際賽，放假在即，佢顯得好雀躍，話恒生同好多大機構一樣有call leave，即係放假期間唔可以掂公事，好似政府署任制度咁，將手頭上嘅工夫交畀副手做，呢個安排一嚟可以畀員工完全放低工作，真正休息吓，另一方面可以畀機會下屬接手，培訓接班人，而且公司唔會出現「冇咗邊個唔得」嘅情況。不過一向事業心重嘅Margaret笑言，歐美都喺聖誕期間休市，所以佢可以唔使
到實。