梁太又講笑咁話金刀梁嘅財物其實唔多，少到一個垃圾膠袋就裝得晒，數嚟數去都係得嗰四套西裝加四對皮鞋。唔係呀？金刀梁話晒係泌尿科專家，聞說喺行政會議召集人CY梁振英間山頂獨立屋可以望到金刀梁間獨立屋㗎喎，住得山頂獨立屋，又點會窮呀？梁太真係幽默。

金刀梁上個月初獲委任為港大校務委員會主席，講到獲頒諾貝爾物理學獎嘅中大前校長高錕時，佢大讚高錕為香港爭光，可惜已患上老人癡呆症，見到高錕喺頒獎禮上淨係識笑，覺得好遺憾。