此外，香港這個「吹水之都」忽然變成「天空之城」──乜鬼嘢都可以從天而降，鏹水彈由旺角、深水埗炸到銅鑼灣旺區；至於利刀、螺絲批、鐵錘、電視機等，更在屯門、沙田、觀塘、彩虹邨、白田邨橫飛！香港已成為利器狂飛的「恐怖之都」！

據報道，從○七年至今年九月，本港共有三千宗高空擲物舉報，六百多人受傷。鬼咩！掟五把刀落街都只係罰一千元，一時手痕起來唔再掟至奇！再加上警方破案無期，「鏹魔」有恃無恐，分明剃警方眼眉，今後在繁華鬧市逛街，即使有簷遮頭，亦易被濺傷！看來，鐵甲裝備是時候了，香港或會變成「鐵甲之城」！一個城市，可塑性如此之高，想唔傳奇都唔得喇！

坦白講，「好客之都」已死！有人說得好：一個社會如果容許甚至讚賞以惡制惡的話，那麼就很難保證下一次不會是以惡制善。即使真的是乘客不付車資，的士司機不是應該交由警方處理嗎？這次若證實的士司機鎖門屈錢還要惡人先告狀，成何體統？這真是香港之恥！與旅遊有關的行業，的士服務向來評分欠佳，業界是否應該認真反省一下？