愛駒四甲不入無損心情

嗰場比賽高潮迭起，最後拎到呢面金牌，都係靠羅傑承當機立斷，喺打入決賽後立即召回仲喺英國跟熱刺操練嘅陳肇麒返嚟應戰，六萬蚊嘅來回機票都係佢掏腰包資助嘅，佢話呢筆錢絕對值得使。

羅傑承帶領嘅港足為香港吐氣揚眉，但喺尋日一年一度嘅國泰航空香港國際賽事，佢隻愛駒「羅馬奔騰」就唔係太生性，最終四甲不入，不過相信影響唔到佢嘅好心情。