自降身價兼轉行

深水埗區昨日舉行招聘日，三十五間來自房地產、飲食業及零售業等公司共提供一千九百個職位，全日錄得五百名入場人次。縱然會場的求職反應冷淡，仍不乏年輕的失業大軍到場碰運氣。

三十六歲的李先生中七畢業後，從事月薪萬八元的運輸司機已十多年，兩個月前因公司要搬遷至內地而被迫離職。其後，他寄出多封求職信都音訊全無，惟有自降身價至八千元及轉行：「本來都想最低要求一萬元，但依家要同埋畢業生爭工做，仲有得要求咁高咩！依家就算八千蚊都唔介意，總算有條路畀我行就得啦！」

他慨嘆港府重視解決青少年的就業，卻忽略了正值壯年的失業大軍。他眼見身邊的朋友均有穩定的工作、家庭和事業，壓力倍增：「除咗不停咁搵工，當局都冇話我知有乜途徑去做其他嘢。」他打算若失業情況持續，會報讀副學士等專上課程自我增值，加強競爭力，但擔心院校多優先取錄剛畢業的學生，可能未有足夠學位供他申請。

青少年亦非人人受惠。王先生今年七月中七畢業至今，共寄出三十多封求職信仍未有回音，他惟有自降身價至月薪四千。他埋怨：「我覺得啲青少年就業措施都係安慰性質，見習職位得咁少，幫到幾多個人！」