臨近年尾，百姓倍感日子艱難，元旦後衣食住行樣樣排住隊等加價，茶餐廳換過張餐單，一元幾角唔多覺的加了又加，而打工仔的薪金，大多數傾向凍薪，此消彼長，百姓哪有好日子過！

據報道，做冬樣樣貴，鮑參元貝價續升！呢啲貴嘢留番畀達官貴人吧，佢哋衣食無憂，自然唔會想到市民食貴價活雞嘅無奈！而這小小的祈求，只要高官一聲令下，放寬內地活雞進口量就可搞掂。

本港目前每日只得七千隻內地活雞進口，食衞局在今年農曆新年及中秋節均沒有放寬內地活雞進口，搞到零售價狂升。業界預料，政府如不放寬進口，市場供不應求，冬至零售價將升至六、七十元一斤，一隻活雞閒閒地要二百大元！

呢個政府完全唔肯攞小小誠意出嚟，金融海嘯之後，紓困無方、扶貧無法，傳奇一刻只是多了一批反中亂港的政客和幕後玩家！

講真！香港回歸咁多年衰足咁多年，民生其實係大倒退！據報道，上世紀五十年代，內地農民的希望也不過是：「三分自留地，幾隻老母雞，一對好夫妻，兩個小把戲！」如今，「也不過是」對一般香港市民來說簡直就是天堂！「三分自留地」？專業人士都大嘆買唔起樓！內地農民當年竟然如此「豪氣」，活在「國際大都會」的香港人，能不無地自容？