以往霍婆婆樂觀開朗，最愛與街坊歎茶，更愛遊歷四周，但慘失眼球後，她每次出街都懼怕旁人的歧視目光，醫生稱替她裝上假眼球，但她無力支付費用。霍婆婆現時因視線模糊，每次落街都步步為營，只能出入距屋苑五分鐘路程的商場，她老淚縱橫說：「我睇唔清，過馬路都好驚，又唔敢行遠，除咗屋企樓下，邊度都唔去得，以後都無得返內地探親友咯！」

「仲有一隻眼」不獲批殘津

連做四次手術及住院十多天，霍婆婆身心俱疲，她因病已花近萬元醫療費及購置輪椅，本想向社會福利署申請傷殘津貼「幫補」，但得來的回覆是：「政府規定要盲晒兩隻眼，先可以申請！」霍再受打擊，怒斥醫院不肯賠償，而社署又不批津貼，她說：「政府係咪想由得我死？」

根據社署規定，傷殘津貼申請人毋須接受經濟狀況調查，但必須是百分百傷殘，如僅一隻眼失明、斷一隻手或跛一條腿，皆不符合申請資格。「喺政府角度，一隻眼盲咗，即係仲有一隻。」病人互助組織聯盟主席張德喜稱，傷殘津貼申請資格苛刻早已為人詬病，促政府放寬。