喺呢個聖誕，海洋公園會上演集視聽娛樂於一身嘅「魔幻冰上匯演」，請嚟全球首屈一指、曾勇奪奧斯卡同艾美獎等多項國際殊榮嘅製作團隊搞搞新意，將全球首項冰上「巨型彈弓人」絕技帶嚟香港。扮嘢文一向身懷絕技，有嘢玩點少得佢嗰份，但玩啲乜就守秘密。

海洋公園率先會喺呢個禮拜四下晝安排一場傳媒騷，請埋「惹火尤物」周秀娜做嘉賓，同扮嘢文齊齊試玩多項新玩意。有火辣女郎陪玩，扮嘢文認真艷福不淺！海洋公園公關話周秀娜當日衣着以展示健康活力為主，唔會刻意賣弄性感。