張雲正着到郵差咁款，係為香港郵政喺海港城新開嘅概念店主持開幕儀式。佢話以前淨係着過童軍嘅制服，着郵差制服就真係第一次，仲笑笑口咁話着住呢套制服覺得好有使命感，但就「一步一驚心」，事關佢行嘅每一步、做嘅每一個動作，都代表緊香港郵政嘅形象，要好小心先得喎。

張雲正又話好想帶成班同事一齊嚟影相做郵票，原因係好想快啲利用呢個「愛心郵票」平台向大家推廣自己嘅郵政團隊，仲話金融界同保險界嘅人士都可以訂製有自己樣嘅郵票，推廣自己嘅服務咁話。睇嚟署長好識得搵商機喎！