身兼全國政協常委嘅新鴻基地產非執行董事郭炳湘都有去捧場，「一支公」坐喺觀眾席第一排，太太李天穎都有到場，但就同佢坐喺唔同看台。郭炳湘話大會早就因應唔同賓客嘅身份編排座位，一眾政協常委被安排喺同一看台，所以佢咪同太太分開坐囉。不過郭炳湘都不愁寂寞，皆因佢早有準備帶定望遠鏡欣賞表演同煙花，同樣自得其樂。

十幾位立法會議員前晚亦放低議事廳嘅煩瑣事務，齊齊到維港「嘩嘩嘩」睇煙花，當中大部分都係建制派議員，望嚟望去只得李華明一個泛民議員。