五十七歲嘅陳校長尋日喺大氣電波話明一定唔會「鎖自己喺校長室」，會經常周圍走同學生接觸，上場後已接見過學生代表、校友會代表，去過校園電台，但佢話仲要落埋Canteen（飯堂）接觸更大嘅學生群，聽取學生意見。佢話依家都有定期做運動，同後生過佢嘅同事打網球，佢仲話歡迎各位學生哥約佢打波。即係話佢唔認老，證明自己仲有得「揮」啦！

留居美國四十年，今次返港發展，佢話除咗因為睇好亞洲未來嘅科技發展將會突飛猛進外，仲有係因為以前皇仁嘅同屆同學，好似回歸前嘅保安司黎慶寧、中大醫學院院長霍泰輝等，個個有名望，搞到佢都心郁郁，決定返出生地香港作一番貢獻。