建福宮花園又名「西花園」，係當年帝后嘅休憩娛樂場所，乾隆更經常作詩讚美呢個西花園添。好可惜，喺一九二三年嘅一個夜晚，建福宮花園意外失火，西花園喺一夜之間化為灰燼。

Ronnie話唔忍心見到一個咁有歷史價值嘅文化古蹟就咁冇咗，於是決定出資同故宮共同參與修復工程，而佢一手創立嘅中國文物保護基金會仲成為故宮內首個出資開展大型復建項目嘅私人機構。佢話由於已經冇咗故宮嘅圖則，所以復修時只能靠當年一啲外國人坐氫氣球時影嘅相嚟作參考，成個復修工程足足花咗五年。