近日突然傳出「青樓名妓」張永霖辭任亞視執行主席嘅消息，本身係亞視非執行董事嘅陳永棋尋日喺一個全國政協嘅沙龍展露面，畀大批記者包圍，但佢把口撬極唔開，反而同場嘅全國政協王國強就透露一個禮拜前名妓出席飯局時並冇異樣。
暴風雨前夕？
嗰個飯局由另一政協張華峰請客，座上客除咗王國強同名妓外，棋哥都在場。王國強憶述當晚名妓同棋哥言談甚歡，一啲都唔似有大事發生，席間張華峰仲大讚亞姐靚咗、質素高咗，而「名妓」就客客氣氣咁畀反應，話：「係呀？係呀！幾好㗎。」諗唔到事隔一個禮拜，竟然傳出名妓遞信炒亞視魷魚，王國強大嘆好突然。唔通係暴風雨前夕？
