眾所周知，立法會工務小組一連兩日表決約六百七十億元嘅高鐵工程撥款申請，有報章前日大字標題話大舊石身為港鐵同有份競投高鐵工程合約嘅新創建集團獨立非執行董事，舊年嘅袍金連薪酬加埋有成二百幾萬元，暗示大舊石有份審批高鐵撥款涉有利益衝突。

臥病在床嘅大舊石尋日都要即刻回應事件，佢直斥「有人歪曲事實，誤導讀者」，話自己一年嘅袍金只得三萬幾蚊，但報道就將新創建畀董事嘅認股證金額計埋落去，但問題係新創建畀幾多認股權佢都好，佢自言一蚊都冇認購過，而當時嘅認股價約十六個二，但新創建尋日收市嘅股價只得十五蚊，就算佢有認購都蝕梗錢，所以真係唔明百萬酬金點計出嚟。