「垃圾本身冇罪，最重要係佢成為垃圾前，我哋有冇好好善用。」本身是陶瓷藝術家的謝淑婷（Sara），自幼在母親的車衣機旁就地取材，用碎布去做手袋飾物；大學唸書時，又拾起同學棄掉的廢紙再用：「見到會覺得好浪費，好多廢物可以再用，譬如喺雨靴上塗上顏彩，放個膠樽入靴內就可種植物，當做花瓶。」

「舊物本身就係回憶」

Sara並非空口講白話，她即席用廢物製作掛鐘，先在鐵罐蓋中間錐開小孔，再裝上購自手工藝店的時鐘配件便成：「喺時針上畫個小朋友，分針就畫個巫婆，運行時巫婆就會不斷追住小朋友。」她又用舊衫、碎布和廢膠樽製成一個應節雪人。除送禮外，更有深層意義：「舊物本身就係回憶，睇見佢就會憶起往事。」

罐蓋掛鐘DIY 先在罐蓋上點出圓形的中心位置	用錐插穿中心位置	再裝上時鐘配件
完成後可掛上牆壁，時針和分針可另行自製，甚至畫上圖案。

舊物再造在外國甚為流行，變化層出不窮。Sara自製的罐蓋掛鐘，日本人就想到用平底鑊代替；在美國也有用玻璃樽建搭的房屋，「真係可以住人」。而外國人裝修家居，也盡可能減少廢物，Sara說：「佢哋喺舊瓷磚上塗上一層膠，再鋪上新嘅瓷磚，跟香港人唔同，每次裝修都棄置大量有用物品。」

舊衫雪人DIY 先用碎布包裹着膠樽，並用雙面膠紙黏實，厚度可自行調節。	在膠樽外套上衣袖或毛衣，首尾用橡筋綁好。	再用碎布剪裁成雪人的眼、鼻、嘴以及聖誕帽和頸巾，擺設便大功告成。

環保署資料顯示，市民每日製造逾六千噸家居廢料，數量驚人。香港人以消費掛帥，潮流先行，忘卻浪費會造成環保災難：「天氣反常，環境受破壞，大家都係罪魁禍首。」Sara反對過度消費：「假如一個名牌手袋用上十年就冇問題。」她教路，舊物翻新首要忘記物件的本質：「一條裙就看成係一匹布，然後任意發揮。」舊物再用，就由今個綠色聖誕開始。