馬太近月頻頻穿梭旺角花墟買花做預備工作，皆因囡囡Flora將下嫁IT才俊，於是親自出手做「獨家花球」，又為每圍酒席設計香噴噴鮮花擺設，呢份溫馨心意認真令人感動。馬太話當年自己結婚時手中只有黃菊花加紅劍蘭，鬼咁老土，依家囡囡出嫁，一於做個「花心媽咪」，等女兒變身做「花花公主」，所以近日花墟啲靚洋牡丹、小玫瑰同繡球花等，唔少已經畀佢預訂晒嘞。

馬太花藝了得，城中有唔少名太都係佢學生，前經濟發展及勞工局局長葉澍堃太太Nancy都係跟佢學藝，今次馬太親身布置會場，唔知會唔會引嚟一眾名媛到場偷師呢？