「超班」依家只得五歲，咁早就退役，真係令阿Ron蝕大本。阿Ron自嘲話，「超班」已經唔算最敗家，事關佢有隻購自愛爾蘭嘅賽馬「火燭車」，買咗幾年完全冇出過賽就退役，一蚊獎金都冇贏過。

阿Ron多年嚟養過唔少戰績彪炳嘅賽馬，例如有三冠馬王美譽嘅「翠河」，就曾於九三至九四年度馬季全勝三關賽事，成為三冠大賽盟主，呢項驕人紀錄至今仲未被打破。何解佢近年咁失策，會買「超班」同「火燭車」呢兩隻「蝕本貨」呢？佢苦笑道：「唔係我冇眼光，係幫我揀（馬）嘅人冇眼光咋。」