傅明憲
「屋企所有狗都好老，如果感染到會受唔住。唔擔心自己受感染，只擔心狗仔健康同安全，人傳人都唔驚，最重要自己做足防疫措施。」
蔡卓妍
「我有兩隻比熊犬，自己好注重衞生，其實唔會太擔心，亦唔會因此減少同狗仔親密行為。我會密切留意事態發展，都唔想佢哋因為我而生病。」
熊黛林
「（狗隻感染豬流感）咁嚴重？我會好好保重身體，因為依家病毒變得好快，大家都要小心，有病要戴口罩。公眾場合有人咳得好大聲都冇戴口罩，唔係咁好！如果知道身體不適，都唔會親近隻狗。」
陳淑蘭
「養有兩隻狗同一隻貓，有啲擔心，平時我會同狗仔咀嘴、食飯同瞓覺，有時出去放狗，佢哋會聞坑渠，但唔會減少愛錫動物，會繼續一齊食飯一齊瞓。」
