本文重點
四季酒店今年「連中兩元」，中菜館龍景軒及法國餐廳Caprice成為僅有兩間獲三星評級的本港餐廳。首次「升呢」成三星級的Caprice，主廚是年僅三十八歲，來自法國的田恩禮，他對今次所獲的評級感驚喜，「餐廳去年同今年的運作冇分別，冇刻意博攞三星，估唔到得獎原因。」他指餐廳菜式不時轉換，難選代表作，但餐廳港客較好牛肉及海鮮，甜品不喜過甜，「本地客好多時要快，亦有好高期望，可以話唔易服侍。」田恩禮未到港前在法國巴黎四季酒店三星餐廳內任廚師，四年多前來港，擅煮法國菜的他原來最愛日本菜，現正學日文加深了解日本文化。
龍景軒「冧莊」
至於龍景軒再獲三星評級，中菜部行政總廚陳恩德，則表示會以平常心面對獲獎，「都係一隊人的功勞」。陳恩德指餐廳每年不時轉款，以鮑魚雞粒酥、龍太子蒸餃最令食客「欲罷不能，停了出品，都要求專登再整番」。陳恩德入廚四十年，曾服務過多間酒店，他曾因太太去世，為照顧愛女而退休，四年前才「出山」。
