民主黨元老司徒華踢爆，呢班搞搞震嘅幕後黑手兩個幾月前曾設秘密飯局，逼佢支持總辭方案。李漢奸見陰謀敗露，近日急急改口風，話總辭令泛民分化「唔值得」。神係佢鬼又係佢，當初搏命煽風點火，依家又縮沙褪軚，好似川劇變臉咁一時一樣，為「民主」同「普選」？搵鬼信咩！

呢班洋奴漢奸從來都信唔過，尤其係一向反中亂港嘅淫賤黎，「民主」於佢不過係一副用完即棄嘅假面具。佢至鍾意嘅唔係香港幾時有普選，而係世界上最污糟邋遢嘅兩樣嘢：一手搞政治，一手搞淫賤，總之愈邋遢愈開心，愈墮落愈快樂。

淫賤黎嘅壹淫媒喺香港臭通街係人都知，佢哋居然嫌害得人唔夠，近排喺台灣又搞咗個所謂「動新聞」，藉動畫「模擬新聞」公開宣淫販賤，甚至猖狂到將獸父性侵犯幼女、殺人、自殺呢啲配上旁白嘅色情動畫，當「新聞」播放，同放鹹片根本冇區別。

叮！淫賤黎掛羊頭賣狗肉，話就話「用戲劇方式重建新聞」，但正如台灣通訊傳播主管部門負責人話齋，呢啲根本就唔係新聞。唔止腥色羶拍得住四仔，情節仲同事實有好大出入，侵犯人權同私隱，好似喺受害人傷口灑鹽咁，令佢哋再一次受傷。

壹淫媒啲「新聞」唔係裸體就係屍體，破壞傳媒生態，終於引起社會公憤。台北市長郝龍斌採取強硬行政手段，對台灣壹淫媒處以最高刑罰，罰款五十萬元新台幣。當地幾十個婦女團體同埋監察傳媒組織亦齊聲抗議，向壹淫媒說不。

叮！台北當局嘅行動真係大快人心，不過淫賤黎一定揼晒心，如果換着喺香港，使乜咁折墮吖。無他嘅，喺呢度，宣淫販賤係非佢莫屬嘅專利，有港府照住，又有司法護航，幾淫幾賤都可以橫行無忌。

話明專利，梗係唯淫賤黎獨享啦。呢嗱，○五年底，《東方日報》同《太陽報》刊登一輯名模Kelly Brook嘅沙灘性感照，打晒格仔都畀淫審處評為二級不雅，但係壹淫媒旗下爛果報登同一輯照片，只係評為一級非不雅。更怪嘅係，香港有售嘅外國雜誌《NOW》同樣係登Kelly Brook裸照，冇打格仔，冇包膠袋，連送檢都唔使。

咁嘅專利，其他傳媒尤其係正義傳媒，諗都唔使諗咯。淫賤黎同班港英餘孽同聲同氣，朝中有人好販賤。壹淫媒違反《淫褻及不雅物品管制條例》過百次，從來冇一次重罰過，鋪鋪係咁意罰款一萬幾千算數，而正義傳媒唔係畀當局選擇性檢控，就係畀當局無故滋擾。

叮佢個鎯鎯，淫賤黎又玩政治又玩淫賤，搞風搞雨咁多年，台北就話有打擊淫媒決不手軟嘅市長「郝青天」啫，呢度得班同政治淫棍臭味相投嘅港英餘孽，香港何處覓青天！