本文重點
雞檔變身食肆，形象洗底談何容易！在大埔寶湖道街市的四間小食店就試圖創造奇迹，由他們合組的「小食廊」，外觀可媲美商場的美食廣場，但記者在午飯時段停留一個小時，多間小食店的客人總和，恐怕只有寥寥十數位。顧客極少，租戶歸咎食環署宣傳不足，他們只有自救，租戶稱：「四間租戶夾錢印製傳單，請人派單張，生意至好番少少。」
裝修靚到估唔到
「呢個街市以前冇食肆，我係因為識店主先識嚟！」黃女士則是觀塘宜安街市的熟客，她指街市引入小食店原意好，可以為街市帶來生氣，但沒有宣傳，街坊仍以為是空置雞檔：「呢度唔輸蝕畀茶餐廳，又平又好食，但最慘冇人識，我會推介朋友嚟。」經營食肆最怕無人識，浪費了店主悉心裝修的心血。其實今次計劃中全部租戶都成功轉營，由從前臭氣沖天的雞檔，搖身一變成價廉又香噴噴的「小食廊」。店舖外的通路乾爽，至於店內的每張枱亦非大牌檔的圓摺椅，而是顏色悅目的軟座，令人難以想像這些食肆的前身是雞檔。