賭王三位太太同仔女尋日都有去醫院探望佢，二太藍瓊纓宣布，為慶祝呢個充滿喜悅嘅日子，佢同仔女們會喺今日將一筆可觀善款捐畀慈善機構。二太女兒何超儀話：「生日當日一家人會以簡單方式，為爹哋慶祝生日，總之希望爹哋開心，我同家姐、細佬都會各自買禮物畀佢表示心意。」三太陳婉珍到達醫院時笑容滿面，佢話丈夫喺生日臨近好開心，「仲話好多嘢都想食」。四太梁安琪就話會同賭王一齊切蛋糕慶祝。四太女兒何超盈透過電話同記者講，一家人將會喺醫院食飯同切蛋糕。