闊別香港近兩年嘅祖謙王子同新王妃尋日中午喺中環食晏。婚後嘅祖謙王子俊朗依然，吸引中環麗人攞出手機離遠偷影佢；而王妃衣着簡樸，面對蜂擁嘅香港傳媒未見嚇親，全程笑容滿面，更不時望住王子甜笑。

臨走前，王子王妃仲停低擺甫士畀記者影相，王子眼珠睩一睩，抬頭左望右望幾秒後突然走過對面馬路。搞乜呢？原來揀咗獅子銀行同立法會做背景留倩影，反應相當快。兩人接住跳上新款保時捷Panamera 4S跑車離開。