母校周圍變晒豪宅

講番佢間母校，黎棟國一副孺子情深嘅樣，仲好感慨咁話家吓學校周圍已變晒高尚住宅區，同以前徙置區嘅環境完全唔同，佢同唔少校友都對學校有好深厚嘅感情，會定時返母校睇吓。佢嘅母校都有好多名人校友，包括上市公司主席劉國權同港姐楊思琦等。

出任保安局副局長約半個月嘅黎棟國似乎已習慣咗新身份，尋日出席個抗毒活動時，開口埋口都話政府對毒品零容忍，又介紹港府已向參與校園驗毒計劃嘅大埔區中學學生派發驗毒同意書，不過家吓未回收同意書，暫時唔知道計劃嘅反應。佢話，政府絕唔會以學生參與率嚟釐定計劃嘅成效，仲大打數據牌，話今年首七個月青少年涉及毒品罪行個案較去年同期上升逾一成，政府會堅持對毒品零容忍嘅態度。