網上社交愈嚟愈流行，商務及經濟發展局局長劉吳惠蘭（Rita）尋日返母校何明華會督銀禧中學同班師弟妹見面，就透露最近開始「趕潮流」，學用潮人必備嘅交友網站facebook。Rita話最新開始學用facebook同Twitter，學習嘅過程都好唔容易，佢不諱言完全畀呢兩個現今最大型嘅交友平台考起，仲自嘲暫時只有BB班嘅程度，要善用facebook仲有排學喎！
其實facebook同Twitter係用嚟識朋友，高官與其用呢啲嚟收集民意，不如聽吓天主教香港教區主教湯漢話，多啲同持唔同意見嘅人做朋友啦！Rita尋日提醒一班上網嘅師弟師妹要保護自己，第一次同網友見面最多去吓咖啡店飲嘢就好，千祈唔好上人哋屋企，免得出差錯喎！