唔同人有唔同睇法，好似劉燕卿咁，就唔敢試呢啲注入體內嘅美容針，因為佢覺得風險高，冇百分百保證。身為消費者委員會總幹事嘅佢，仲不忘幫自己省招牌，話消委會係用最科學同最中肯嘅方法測試產品，佢試過用錯護膚品搞到皮膚敏感，醫足幾個月至斷尾不特止，仲要每日搽勁厚粉遮住先敢返工，所以依家佢會好小心揀牌子，唔會立亂信口碑，只會信科學研究結果。