唔畀面都係咁話,事關蘇菲係志蓮淨苑嘅「大義工」,近年醉心崑曲,咁南蓮園池有崑劇睇,梗係幫手推介吓啦!佢仲話崑曲喺抒發情感方面好開放,而喺南蓮園池呢個咁幽靜嘅環境搭個舞台,近距離欣賞崑曲,感到有種平靜感,有洗滌煩囂之效。
今次嘅重頭戲《長生殿》劇目,敍述唐明皇同楊貴妃嘅愛情故事,文辭優美,音律協和,難怪佢話陶醉於古琴音色下,恍如返到唐代宮廷。