本港政圈已經出現第二代或第三代接班迹象，邱氏家族嘅邱達昌日前同太太及三位千金一齊出席個晚會，三名千金齊齊曝光，原來佢哋各有所成，有啲開始接手家族事業，有啲就獨闖天下。
邱達昌同太太邱吳惠平是晚連同女兒邱詠筠（Winnie）、邱詠賢（Wendy）同邱詠麒（Josephine）一齊出席活動，邱太行頭十足，一襲米白色長裙配鑽石頸鏈、手鏈同鑽戒，再加多個Chanel手袋。至於邱達昌三位靚女千金，聽聞現年二十七歲嘅Winnie正同一名高官嘅仔蜜運中，但未知幾時拉埋天窗，佢家吓正全力經營Freshness Burger漢堡包店，搞得有聲有色，佢話成績較預期理想，現已有六、七間分店，稍後會喺澳門開分店，相信好快回本。
二女Wendy就幫爸爸喺內地間酒店做設計工作，而細女Josephine○六年大學畢業後做咗半年銀行，之後就主力喺爸爸間酒店做營運工作。