情理法難取捨

D姐尋日解釋非公務員合約嘅政策問題時話：「我自己成日提醒我自己，要合法、合理同埋合情，三樣同時重要，但唔能夠將合情嘅考慮凌駕晒所有其他嘅考慮。」；無獨有偶，林鄭講到樓宇編層混亂時，又用咗類似嘅口脗，佢話：「我成日都鼓勵我啲高級嘅同事，處理每一件事都希望能夠合法之餘，都睇吓情理方面能唔能夠兼顧得到。」

似乎佢哋嘅公務生涯中，成日都面對情理法嘅裁決，先會同一場合、同一會議講出類似嘅話，不過彼此取捨有啲唔同。