蔡太為咗當晚嘅演出，一早搵師傅訂做一件紅色長裙，一上台艷光四射，成功演出後，孫太同蔡太嘅囝囝蔡加讚一齊到台前獻花。孫公打完天才波，就輪到孫太同班老友上台合唱金培達創作嘅《始終有你》，孫太話咁好嘅一隻歌，政府都唔識好好廣泛宣傳，認真嘥晒。都係嘅，呢隻歌畀網民改寫歌詞嚟鬧政府施政，仲因而熱爆全城，原曲嘅歌詞係乜反而考起人。

據講，孫太係晚宴嘅場地統籌，當日凌晨兩點幾，佢就到尖沙咀洲際酒店會場，指揮工作人員布置。佢放棄休息時間、捱更抵夜為晚宴準備，唔怪之得有咁多friend啦！