自幼立志做詩人嘅李心平，一九六三年喺男拔中五讀文科。十六歲會考嗰年，父親肺癌離世，佢哀痛之餘亦改變志向，希望日後當醫生，拯救其他人嘅父親。幸好當年男拔校長郭慎墀批准佢中六棄文從理，結果佢順利考入港大醫學院，展開醫學生涯。佢慨嘆依家嘅醫科生太物質主義：「醫學院唔係職業培訓所，為社會地位同搵錢而入行嘅諗法係錯嘅。」