22/10/2009

播放本新聞相關短片

政情：蘇菲暗晒家族大把廠

公職人員唔可以疏忽利益申報，近排政府推出活化工廈計劃，紡織界嘅立法會議員「蘇菲」梁劉柔芬係廠家出身，尋日立法會發展事務委員會討論活化工廈時，佢煞有介事咁申報：「我唔知我自己家族、親戚、姻親、乜嘢朋友有幾多（工廈），我連自己有幾多都唔知！」

尋日嘅會議只係由政府介紹大原則，蘇菲已經咁緊張，似乎係受到近期官員接連被爆親戚涉及利益衝突事件有關，但佢呢個發言又算唔上係申報，因為乜都冇，只係話畀人聽佢同家族有大把廠，發達囉！