21/10/2009

播放本新聞相關短片

政情:蔣麗莉生完女極速收身

上市公司太平洋興業前主席蔣麗莉(Lily)因為涉及詐騙官司,尋日到區域法院應訊,丈夫於積理陪同到庭。應訊完畢後,一向表現恩愛嘅兩口子喺法院門外不禁錫錫,丈夫更全程輕攬Lily纖腰。

今年四十六歲嘅Lily不滿律政司將案件交區域法院審理,認為應由有陪審團嘅法庭審理,所以先後兩次要求司法覆核律政司嘅決定,但均敗訴。雖然佢忙於訴訟,今年六月仍然再做媽咪,如今同丈夫共有兩子兩女,湊成一對「好」字。生女唔夠半年嘅佢已經完全收身,佢仲話:「今次呢胎收身,又確係收得快過前幾次!」佢嘅案件將喺十二月二十八號再訊。