21/10/2009

播放本新聞相關短片

政情：發叔偷閒半島歎茶

高鐵方案尋日扑錘，由朝早嘅行政會議到下晝嘅高鐵賠償說明會，都見鄉議局主席劉皇發嘅身影，好似佢先係高鐵推銷人咁。連踩幾場後，尋日下晝四點幾，卒之見到發叔主持完鄉議局會議偷閒Hea吓，去半島酒店歎杯茶。發叔話幫襯咗半島四十幾年，家庭聚會或者約太太坐吓都會去呢度。

同發叔去歎茶嘅人有愛兒劉業強同黃宏發等幾位鄉紳，問佢一日跑幾場攰唔攰？佢就笑笑口咁話：「有嘢做唔辛苦，工作咁有挑戰性，雖然個人好攰，但精神一啲都唔攰喎！」