建築物料價格急漲，搞到好多基建工程都受影響，鄉議局沙田石門新大樓造價亦上漲到一億五千萬元，聽講價格仲不斷加緊，局內都要諗計急急籌款。尋日鄉議局宣布好消息，信和置業主席黃志祥捐出一百萬元，令佢哋收到嘅捐款總數逾七千萬元。
聽聞鄉議局主席劉皇發已諗定應急方案，首先游說未捐錢嘅地產商慷慨解囊，如果仲係唔夠數，就會懇求個別已捐錢嘅地產商再加碼。
至於善長仁翁嘅鳴謝牌就會按捐款數目嚟分布位置，譬如捐款一千萬元，名牌就可以喺大樓中庭；捐五百萬則獲行政辦公室同走廊等命名權；好似黃志祥捐一百萬元，就只得大樓露台選擇。