其實棠哥早前出席一個深港教育合作研討會時，講開曾建議政府喺深圳開辦畀港人子女就讀嘅學校，但當時教統局常任秘書長以一句「福利不可攜」拒絕，但呢個前常秘依家做咗港區全國人大後就成日講，點樣喺深圳起學校。棠哥咁講，大家即時聯想起教統局前常秘羅范椒芬，事件仲引起外界回響。

羅范事後話「福利不可攜」係政府嘅政策，唔係佢一人可以話變就變，而佢亦唔係棠哥所講咁一口拒絕，而係有將建議攞去同政務司反映。佢重申自己冇喺深圳起學校，而係透過家族基金喺寧波建校。報道出街後，棠哥拿拿臨打電話畀羅范道歉補飛，但羅范就叫佢向傳媒解畫，難怪佢一見到記者就閃啦。