由精神科醫生黃重光做主席嘅「全人教育基金」，尋日舉行研討會就係講呢四個字。佢話時下學生出現濫藥、援交等問題，都係因為後生仔女缺乏清晰嘅人生價值同心理質素欠佳，連價值觀都冇，又何來「行得正企得正」喎。黃醫生尋日啟動一項為期三個月嘅「香港核心價值問卷普查」，向社會各界調查其心目中嘅香港核心價值係乜東東，明年三月底公布結果。