肥師奶唔擅長玩競技遊戲，但寫書法就絕對到家，佢師承著名書法家高雲州，年前仲同運輸及房屋局局長鄭汝樺同商務及經濟發展局局長劉吳惠蘭開書法展添。

不過，高老師舊年中風後冇再教學生嘞，肥師奶話好掛住高老師，仲祝福高老師早日重出江湖。而肥師奶都冇偷懶，改為跟隨書法研習會內另一位老師繼續練字，只係近日忙於籌備東亞運，佢先少咗時間寫字咋。