香港藝術發展局主席馬逢國前幾日講開政府打算下個財政年度開始終止對九大藝團嘅額外資助，話以佢所知，政府一直都冇減過對九大藝團嘅資助喎。佢話當然希望政府可以增加對藝術界嘅資助啦，但與其等政府科水，倒不如靠自己仲穩陣，而事實上亦有藝團唔攞政府資助都可以生存。佢建議以長遠計，政府應協助藝團大搞產業化，吸引更多市民買飛入場。
但「進念二十面體」行政總裁胡恩威對馬逢國呢番話就唔多啱聽，佢憤言：「佢咁講嘢好唔負責任啫！」
講到搞產業化，胡恩威怒斥政府冇做好藝術教育工作，仲反諷藝團如果唔靠政府補貼，唯一嘅出路係管弦樂團日日拉流行曲，劇團就去做o靚模騷。